History of mamatid

Answer 1

KASAYSAYAN NG

BARANGAY MAMATID

Noong unang panahon ang bahayan dito sa aming Barangay ay patid-patid, ibig sabihin ay mangilan-ngilan lamang ang bahayan at magkakalayo pa, kaya't tinawag itong patid-patid. Isang araw ay may dumating na paring Kastila sa parokya at itinanong kung anong ngalan ng lugar na ito. Isang matanda na taga roon ang sumagot at sinabi niya itong lugar na ito ay tinatawag na patid-patid. Palibhasa'y ang kausap ng matanda ay isang kastila, ang pagkakaintindi sa kanyang sinabi na patid-patid ay MAMATID, at simula noon ay tinawag na itong Nayon ng Mamatid.

Ang Parokya ng San Vicente Ferrer ay nagkaroon ng paring kastila. At Ayon sa mga matatanda ang santo ni San Vicente Ferrer ay para sa kanila ay maraming milagro ang nangyari at para sa kanila ito ay sadyang makasaysayan. Na sa paniniwala ng mga mamamayan ay dahil kay San Vicente Ferrer ang lahat ng mga milagro na nagaganap sa kanilang lugar, at nagmula na rin sa mga nakakatanda na namatay siya noong April 5, 1419.

Ang ikinabubuhay ng mga tao ay pagsasaka at pangingisda sa Laguna De Bay. Walang kalsada, kung di daang kariton lamang. Mahirap ang buhay noong araw. Ang mga tao ay naglalakad papuntang ibang bayan. Sa bayan ng Calamba namimili at doon na rin nagsipag-aral ang mga kabataan. Hanggang sa dumating ang panahon na dumami ng bahay at nabago ang kabuhayan ng mga mamamayan, nagkaroon ng sariling primary school hanggang ito ay naging elementarya, at karamihan sa mga bata ay dito na pumasok.

Nagkaroon ng elektrisidad sa pamamagitan ng Cortez. Ang mga nakakaangat sa buhay ay nagkaroon ng radio na nagsisilbing libangan. Nagkaroon ng rough-road na siyang main road sa ngayon. Itinayo ang San Vicente Ferrer Academy na pag-aari ng simbahan at dito nagsipag-aral sa mataas na baitang (High School). Nagkaroon ng Jeep at tricycle, na siyang pumalit sa karitela na siyang uri ng sasakyan noon. Ang pagluwas ng mga produkto o ani sa bukid ay naging maginhawa para sa mga magsasaka at mangangalakal.